Ab kya batau aap ko most eligible bachelor hain, mein to kehti hu ladka heera hain heera.
Waise to bahot mehnati hain, aur shaadi hote hi kaam dhanda bhi shuru kar dega. Aur koi kaam karega do dinbhar thodi soyega…..dinbhar sona bhi band kar dega.
Ab aap log hi batayiye, shaadi ke baad koi bhala jua khelta hain kya, bas ek bar shaadi ho jaye, jimmedariyo ka ehsaas ho jayega use aur jua khelna bhi band ho jayega
Waise to dil ka bahot achha hain lekin sharab pike koi hosh mein rehta hain kya, bas shaadi ho jaye sharab pina aur gaali galouch karna bhi band kar dega.
Aur shaadi ke baad koi pagal hi kothe par jayega. Bas shaadi hojaye waha jaana bhi dheere dheere band ho jayega.
Aisa ladka roz roz kaha milta hain…to ladkiyo ke liye special message hain zara jaldi karna warna late ho jayega…..kahi ladka tumhare haath se nikal na jaye…..
No comments:
Post a Comment